கணப்பொழுது   மௌனங்களில்   

தோன்றி  மறைகின்றன  

ஆயிரமாயிரம்  எண்ணங்கள் 

மறக்கவோ  மறுக்கவோ  முடியவில்லை 

நான்  கடந்து  வந்த  பாதையையும் 

அனுபவித்த  சோகங்களையும் 

கவலைகள்  நீளமானாலும்  

காலவோட்டத்தில்  கரைந்து 

காணாமல்  போகுமாமே  

ஆனால்  அந்த  மோசமான 

தருணங்களை  நொடிப்பொழுதில் 

தாங்கக்கூட  முடிவதில்லை 

விரக்தியின்  விளிம்பில் 

காயமற்ற  இடங்கள்  கூட 

ரணமாய்  வலிக்கின்றனவே ....

                                                                           

நாங்களும் குழந்தையாகவே இருந்திருக்கலாமே இந்த குழந்தைகளை  போல எந்த கவலையும் இல்லாமல்.

   

                                     

ஜி. வி. பிரகாஷ் குமாரின் இசையில், ஹரிச்சரனின்  குரலில் பாடல் மனதை தாலாட்டுகின்றது. 

நட்பு

நட்பு 

காலங்கள் -பல 

மாறினாலும் 

நட்பின் 

புனிதம் 

மாறாது....                                   

நட்பு

வர்ணித்துவிட 

வார்த்தைகளல்ல 

எழுதிவிட 

கவிதையல்ல 

வரைந்துவிட 

ஓவியமுமல்ல......

நட்பு

நாட்கள் பல
கடந்து சென்று
வருடங்களே
ஆனாலும்
நினைவாக
தொடர்ந்து
வரும் நட்பு

                                                           

மௌனம்

கணப்பொழுது மௌனங்களில் 

தோன்றி மறைகின்றன
ஆயிரமாயிரம் எண்ணங்கள் 

மறுக்கவோ மறக்கவோ

முடியவில்லை - நான்

கடந்து வந்த பாதையையும் 

அனுபவித்த சோகங்களையும் 

கவலைகள் நீளமானாலும்

காலவோட்டத்தில் கரைந்து 

போய்விடுமாம் - ஆனால்

அந்த கணங்களில்-அவற்றை

தாங்க கூட முடிவதில்லை

காயமில்லா இடங்கள் கூட
ரணமாய் வலிக்கின்றனவே...........
                                                                              

விழி சிந்தும் குருதி

வேதனையை விழுங்கிய- என்

விழிகள் சொரிவதெல்லாம் 

கண்ணீரிரிற்கு பதிலாய் 

குருதியை தான்.......

                                                 

                                              

வலி

இப்போதெல்லாம் வலிகளுடன் 

வாழவே பிடித்து விட்டது  

வலிகள் மட்டுமே வாழ்க்கையில் 

இருக்கும் போது வாழ்ந்து 

தானே ஆக வேண்டும்......

                                                        

வாழ்க்கை கவிதை

வாழ்க்கையை கவிதையாக 

எழுதும் போது வரிகள் 

வலிகளை சுமக்கின்றன

வாழ்க்கை என்னும் 

புத்தகத்தில் காலம் 

என்னை புரட்டுகின்றது  

ஒவ்வொரு வயதும் 

ஒவ்வொரு பக்கமாய்-அதில் 

எத்தனை சோகங்கள் 

எத்தனை வேதனைகள் -என் 

வாழ்க்கை பயணத்தில் 

பாசம்

யாரும் உண்மையில்லை! 

பாசங்களில் கூட கலப்படம் 

வரும் காலங்களில் கடைகளில் 

கூட்டம் வரிசையில் நிற்கும் 

பாசத்தை வாங்குவதற்காக.....

ஹைக்கூ

மரணம்

காற்று-சுவாசிக்க 

மறந்த -என் 

கவிதையின் 

கடைசி 

நிமிடம்.

                                                 
கவிதை

உலகிலயே

மிகச்சிறந்த

பொய் 

கவிதை

                                              

தூக்கம்

தூக்கத்திலும் 

துக்கம் வருகிறது  

துக்கத்தில் 

தூக்கம் கூட 

வருவதில்லை

                                                       

கண்ணீர்

கண்களிற்கு 

வியர்க்கிறது

கண்ணீர் துளிகள்

                                                   

நண்பர்கள்

பாலைவனச் 

சோலையில்

இளைப்பாற

உதவிடும் 

மரங்கள் 

நண்பர்கள்!!!! 

நாயும் நானும்

நான் செல்லும் பொது

பின்னல் வந்தான் 

சைக்கிளில் செல்லும் 

போது துரத்தினான் 

கல்லால் எறிந்தேன் 

நின்று திரும்பினான் 

ஒரு  நாள் அம்மாவை 

கூட்டி வந்தேன்- அம்மா

தடியால் அடித்தார்

மறு நாள் அவனை 

காணவில்லை.......

மனதிற்குள் ஒரு 

நெருடல், நினைத்தேன் 

பாவம் அந்த "நாய்"

முகாரிகள்

மௌனமான முகாரிக்குள்

என் கண்கள் எனக்கான 

நீலாம்பரியை பாடி கொண்டன 

தூக்கம் கொடுரமாகி - என் 

இரவுகள் முத்தமிடுவதெல்லாம்

உள்ளத்தால் அழுகின்ற 

ஊமை காயங்களைதான்......! 

இரவு

இரவு முட்களின் 

தனிமை கீறல்கள் 

சோக குருதியை 

சொட்டும் *

உணர்வுகள் 

வெறுமையாகி 

இதயத்தை அழுத்த 

கண் இமைகள்  

சிலுவை சுமக்கும் *

தனிமை,பாசம் 

நினைவை நெரிக்க
இரு விழியும்
கண்ணீரை சொரியும்*

நம்பிக்கை

நாளை விடியும் என்ற

நம்பிக்கையில்லை 

நேற்று நடந்தவையும் 

நினைவில் இல்லை 

இன்று மட்டுமே 

ஞாபகத்தில்........

கண்ணீர்

தினம் தினம் தெளிவாய்

    கலங்குகின்றன 

என் கண்கள் 

   தெரிந்த முகங்களை

கூட தெரிந்தே

   தொலைக்கிறேன் 

உலகம் என்னை 

    மட்டும் விட்டு

சுழல்வது போல் 

    ஒரு பிரம்மை 

மறந்து தொலைக்க

    வழியும் இல்லை 

நினைத்து பார்க்கவும்

    தோன்றவில்லை 

கோபத்தின் உச்சம்

    கண்ணீர் என்றால்

கண்ணீரின் உச்சம் 

   மௌனம் தானோ???

 

தனிமை

என்னையும் சில புத்தகங்களையும் 

மட்டும் தனியே விட்டுவிடுங்கள் 

புத்தகங்கள் சலிக்கும் நேரம் 

தனிமையையும் தனிமை 

பயமுறுத்தும் தருணங்களில் 

புத்தகங்களையும் 

உறவாக்கி கொள்கிறேன்.

kana kanum kalangal

வழமையான கதை களத்திலிருந்து மாறுபட்ட   நாம் மறந்த, தொலைத்த  நமது பள்ளி கால நினைவுகளை, கல்லூரி நினைவுகளை மீட்டி பார்க்கும் அழகிய கவிதை.  நம் ஒவ் வொருவரிலும் உள்ள குணங்களை பிரதிபலிக்கும் பாத்திரங்கள். நட்புக்கு இலக்கணமான நண்பர்கள், மலரும் காதல்கள், சின்ன சின்ன சண்டைகள் என தனக்கே உரிய பாணியில் பயணிக்கின்றது  கனா காணும் காலங்கள் கல்லூரியின் கதை. asal college of engineering இன் முதலாம்,இரண்டாம் ஆண்டு மாணவர்களான வெற்றி,கார்த்திக், பாலா, காத்தாடி,அசோக்,சரவணன்,அப்பு,ஜக்கு,பாண்டி,பாலாஜி, மதன்,வாசு,இன்பா, ஹரிப்ரியா,ஸ்வேதா,திவ்யா,ஜெயா, தமிழ்,சந்தியா,மித்ரா,ரஜினி என ஒவொருவரும் எம்மோடு பழகிய நண்பர்களை நினைவூட்டுகிறார்கள். பாலா,காத்தாடி, ஜக்கு, பாண்டி செய்யும் நகைச்சுவை ரசிப்பு. கனா காணும் காலங்கள் கல்லூரியின் கதை vijay  t.v யில் தினமும் இரவு 7 PM இற்கு ஒளிபரப்பாகின்றது.